Friday, June 30, 2006

潮流教主?

多年前, 開始做「女子潮流」section.
我人工唔多, 只好盡量碌爆卡買名牌.
卡數高峰有 40 多萬!!!
(特登寫出來 warn 自己)

但不是只有名牌是潮流嘛,
人人都是李嘉欣, 有幾個富豪撐腰嗎?


from 壹周刊
(題外話: 戀愛中的女人不是應該特別美嗎?!)


直至老公一句:「我死唔信呢個世界得果 d 算潮流.」
不要小覤他平日只是 bossini 一度,
話哂都 Director o黎o架, 俾下面啦.

加入了現在的公司後, 更對做「潮流」有返信心.

其實不同的人需要穿不同的衣服,
不是每個人都合穿 MM,
穿 BAPE 亦不一定會令你靚d.

衰起上來, 四千蚊一件別注 tee 會變得像鴨記老翻.
原因是你穿一條小喇叭牛仔褲去襯, 而且搭地鐵,

就好似我之前在地鐵見到一個師奶拎 Birkin Bag 一樣.
真都比人當假.

跟 Coney 學野後, 自信心再多d.

例如 Final Project 中穿那條高腰裙, 只是 $69.90
Coney 都話:「唔使貴o架, 平o野都可以襯到好靚!」

現在的工作, 主要就是做中價衫 styling.
暫時覺得成品都 ok.

小家電

同事搬新屋, 她的同屋我也認識.
原本想送她們一個「電飯煲焗蛋糕」.
細問之後知道已有了, 就改為送熱水壺.

因為要去 Sogo 買 Jelly Belly 做道具
(影完之後有得食!)
見 9 樓有家電傾銷, 儘管看看.

睇中 Panasonic,
電水壺(連煲水)功能幾百蚊有交易,
2.2 公升最平, sales 說有 9 杯水,
但想到女孩子們要多喝水才美嘛,
就買了貴一點的 3公升.
有時我幾細心o架! (嘔~~)

為了不公開售價,
我保留了單據,
叫同事有事先至搵我拎單去修理(有一年保養).

這個是 sales 姨姨教我的, 很體貼喲~

強說愁

時為凌晨5時22分, 仍在公司,
無止境的等...

窮人才寫得出好詩.
此時睡在高床軟枕上的你, 早知
不到夜深, 人是不會忽爾感性起來.

事緣看到了一個「朋友」的網誌.

你生命中有遇上這樣的人嗎?

結識, 成為同事.
因為工作時間特長, 她的性格爽直, 大家成為朋友.

我認為我們是朋友.
我對待朋友與同事是不同的.

她沒有戀人時, 平安夜, 我沒理會男友的連環追 call, 和她吃晚飯.
我失戀, 她拉埋其他同事, 連續多天陪我唱 K 至清晨, 為了令我開心.
雖然, 我沒有告訴她, 我每次唱 K 後乘的士回家時, 總在車裡哭.

後來, 她跟我疏遠. 原因, 我估計是因為我在公司失勢.
我才赫然發覺, 我不是她的朋友.
那個站在遠遠地看, 想走過來, 又不好意思的表情.
已經 4 年多了, 我仍記得.

後來我與公司解約. 提議者是帶我入行的恩師.
我認為是恩師. 但他因為要當我的職位, 叫我走.
我走了, 與當時的男友(現在的老公)一起住了一個月, 才知道我適合做人老婆.

可算是錯有錯著.

從此沒有見過她.

直至上年 10 月在大阪.

我明明就是認得那雙鞋和那個背影.
在銅鑼灣撞到人唔出奇, 在大阪?
可能性只有一個.

慶幸得知, 她生活很好, 又達成了夢想, 又養了一頭可愛的狗.
天生行動派的她, 成功得比人早.
而我的夢想仍在半空啊, 9 月份會再去日本開會看看有沒有機會.

我想告訴你, 你很像 S.H.E. 的一員.

「祝你幸福愉快.」from 自以為曾是你的朋友

Thursday, June 29, 2006

妝物喪志:韓牌 Skin Food

最近不停食, 下星期出 trip 去東京又食,
blog 被食物圖片佔據, 恐怕遲 d 要改名「蘋果的大肚腩」!

幸好美容界有新料, 「妝物喪志」得以再登場.

韓國品牌 Skin Food, 概念是把食物精華放進護膚品中,
讓肌膚左一口士多啤梨, 右一啖香焦布甸.

Pre-launch 時試用過 Skin Food 的產品,
其中化妝品最有驚喜! 味道及質感非常潤澤,
又有濃濃的食物香味.


公關送我一支 Honey Base,
質感比其他韓牌水潤得多, 定妝兼有護膚功效.

另外有個名為「Diet Balm」的唇彩,
含有可控制食慾的香薰油, 據說有助減肥!

妝物顏色選擇不是很多,
但全是易 carry 的粉彩顏色.

廠方還在每件妝物中加入護膚成分,
只是塗在手上已感到質感比平價韓牌出色,
適合愛淡妝又怕皮膚差的女生.

The Skin Food
Shop: 銅鑼灣駱克道 520 號地下
Tel: 2408 21118

產品資料:http://web2.sasa.com/SasaWeb/tch/product/searchProduct.jspa?brandId=1713

和民夏之特撰

放得工, 已經九時正, 老公從內地回港, 陪我食
late dinner.

唔使諗, 又唔冒險的選擇, 又是和民.


夏之特撰有好多野岩食.
池魚壽司, 夠味不用沾豉油, 但上桌時紫菜已「林」了.



鲭魚炸薯餅, 夠熱唔夠脆.



半生熟和牛沙律. 個芥末汁好辣!
落單時侍應再三提醒:
「呢個牛肉因為係半生熟, 會幾un o架!」
唔明點解要「備案」, 唔係好un o者.



次次去和民都想食甜品, 偏偏次次都飽到食唔落.
今次特登留肚! 點了 栗子芭菲, 305 Kcal
比芝麻芭菲少 50Kcal

(我竟然去比較 -_- 以為會好過一點嗎?!)



埋單前想喝點水, 老公向身旁正在收起碟子的女侍應說:
「唔該陣間幫我加 d 水呀.」女侍應即時轉身準備去拎水壺.
老公說:「唔使咁急, 你忙完先啦.」

女侍應低頭自言自語:「唔會完o架...」

好淒怨!!!

最後埋單 $420, 多謝老公 ^_^

Monday, June 26, 2006

干瑤柱伴飯 26062006

晚飯時間睡了, 凌晨才醒來,
老公開工做晚飯給我吃 ^_^

奶奶今晚煮落的「魚湯豆卜小白菜」, 超正!
靈感估計來自昨晚的聲哥魚湯娃娃.

老公知我冇咩胃口, 「叮」飯時伴入了半顆「干瑤柱」
$20 一顆的干瑤柱, 發起後直徑達一吋多.
是奶奶今天下午自製 XO 醬時的剩餘物資, 由我得益!

老公做「干瑤柱伴飯」易做又好食,
(太快吃完, 沒拍照)
大家不妨試試!

又 聲哥 24062006

為了與老爺補祝父親節, 及為姑仔洗塵.
奶奶建議再去搵聲哥, 最主要是為了上次吃過翻尋味的「一帆風順」.
訂菜大任, 一如以往落在「家庭 PR」, 我老公手中.

「一帆風順」, 加上今次預訂的「涼瓜龍躉皮」,
兩碟拍埋已經霸佔整個十人桌轉盤!


本來我反對訂這味菜, 因為不吃苦瓜.
終於? 想不到苦瓜可以只甘不苦,
我連吃三大件龍躉皮!

(PS: 原來 72g 龍躉皮成本已是$300多,
又一次食野唔知米貴.)





豉油王中蝦 (還是大蝦?)
今次的蝦比可樂罐更長.
完全炸透, 連蝦頭亦可整個吞下!



另外吃過皮蛋酸薑、玫瑰豉油雞及「一帆風順」招牌菜, 沒拍照.
倒是這個後加的「菜」值得記下:
因為奶奶怕太多肉, 聲哥建議用娃娃菜加粉皮.


結果就是這個「魚湯粉皮娃娃菜」!
粉皮及娃娃菜能把魚湯的精華盡吸,
魚湯帶少少胡椒味, 是「一帆風順」用的那個.
聲哥好野!



全席六人五個餸送甜品, 埋單 $1300.
但碟頭之大, 能令我們每次也捧腹而回.
加上壹周刊報導過, 聲哥是不少政府高官「跟住轉場」捧佢的大廚,
難怪今次廳房有八成滿, 貴賓廳全滿啦!

Friday, June 23, 2006

小孩不笨 2

有一張電影中心贈券.
《撞車》已看過,
《茉莉花開》好像不錯, 但實在太憎章子怡,
最後選了《小孩不笨 2》.

上集是笑中有淚, 節奏明快, 但似電視電影.
第一集與繼集內容完全沒關連.
今次像是劇集, 不再講教育制度, 主要講「為人父母」.
睇住父母如何鬧子女, 打子女,
好多人睇到「嗦嗦聲」喊.

父母好錫我, 所以我冇乜共嗚,
但你問我有沒有信心做個好父母,
其實我都唔知...

「你上一次稱讚別人是幾時?
你上一次被人稱讚是幾時?
很久了, 對嗎?」

最大發現, 看了 60 分鐘我才驚覺,
片中兩個高大靚仔的男主角,
就是第一集那兩個四呎高的小男孩!


最左的李創銳, 及最右的洪賜健



兩人咁快就「大個仔」喇!

甚麼是幸福? 甚麼是愛?

最近, 好古怪. 可能是 PMS 所致.

又想辭職, 覺得太少時間留給自己.
真的辭職後, 自己時間又太多.
收入少了的話, 時間再多都沒事好做.

有時覺得好幸福, 有時覺得唔開心.
有時覺得老公好錫我, 有時覺得冇以前咁錫我.
有時覺得肥左好多, 有時覺得都尚可接受.
有時覺得日子好充實, 有時覺得實在太辛苦.

有時會逼自己接受現況,
有時不得不承認有 d 野唔多妥當.
有時會明白唔應該要人地改變去遷就自己,
有時又知道勉強一定冇幸福.

為什麼我沒有什麼什麼?
為什麼我忘了他做什麼什麼微小事就是愛你了嗎?
為什麼我忘了他 day one 開始就不是那種人?

我承認不快樂一定是自找的.

呻完.

Tuesday, June 20, 2006

帶父親去蒲

每次經過 @東京 都見入面人頭湧湧.
朋友說, 因為 10:30pm 後所有壽司, 刺身及飲品半價,
好抵食, 所以多人幫襯.

星期一補祝父親節, 決定帶爸爸去試新.

@東京 之「花火」環境極暗, 音樂聲非常大,
吸煙的人非常多, 型仔型女亦好多,
似身處 Disco 多過似食肆.

6 個人, 由 10:30pm 食到 12:30am.


雜錦魚生餅. 樣好掂, 味唔掂, 個底出哂水.
阿媽問:「點解好似 d 頭頭尾尾咁碎濕濕?」
我答:「呢 d 叫 創作料理 ar 嘛.」


燒黑椒吞拿魚壽司. ok.


特上刺身盤. 我冇食!


串燒. 冇特價, 不過雞皮及大蔥都燒得合格.


花火創作壽司盒. 留意左邊, 又係「創作」頭尾.

埋單 $700, 唔貴, 不過質素真係麻麻,
只算係好過百佳 d 壽司少少.

吃後我發惡夢, 夢見自己比「魚生虫」上腦...

結他女

一念之間, 買了一件新玩具.

由於做 final project, 要影一輯相.
Development 至今天, 決定加入一個結他做 props.
那我應該買一個木結他, 還是電結他呢?

今夜老公陪我睇.
行到粵華, 收o左. 通利, 收o左.
老公想行經數碼通睇電話, 都可以因為「停電」而提早收舖!
超黑仔!!!

會合弟弟時, 他說時代廣場九樓的琴行應該未收.
一行三人上去至算.

意料之外, $500 起就有一個電結他.
以為很貴的 Amp, 只是 $400 多起有交易.
講明是初學, 事實上主要用來做 props, 梗係以便宜優先.



試了兩支 Toyama.
一抱上手, 電結他果然比木結他易抱及易按 chord.
介紹結他的店員與我一起坐下來試真 d,
及插 amp 後試 effect.

他示範得很專業,
並沒有介意我是一個連 C Chord 都忘了的傻婆.

最後買下一支手感較好的(見上圖).

中學時以為遙不可及的, 今天已是唾手可得.
下一步, 是找老師.

回家後, 未換衫, 我已經急不及待在彈...
The Best is Yet to Come.

Sunday, June 18, 2006

Bruce Almighty

昨夜咳個不停, 睡得不香. 今早, 又沒有去望彌撒.

下午五時醒來, 一開電視, 在播「衰鬼上帝」



Jim Carrey 擁有上帝的力量, 可以控制任何事,
唯獨不可以控制人的意志...囉(我明, 我明)
-_-

最後, 他弄得一團糟, 令全市大混亂.
上帝再教他如何由自己開始,
做個善良的人, 就可以創造 Miracle.

終於, 一完場, 我就捉埋老公一起去荃灣 7:30pm 主日彌撒.
幾個星期沒有領聖體.
再領之後, 感覺真不同!

彌撒後, 在荃灣致電深井 Pizza Hut 訂外賣自取.
說好 15 分鐘後到取, 但綠巴站排了一百人!
我與老公, 登上了一部僅餘的「綠的」.
行經青山公路時, 突然下傾盤大雨!

到深井時發現, 我們走得比雨雲更快.
取 Pizza 後匆匆回家.
全程竟然可以一點也沒有被雨打濕!!

應當感恩!!!

Friday, June 16, 2006

寶麗金 真開心

有日, 隔離位基督徒同事問我:
「你認為人係唔係要對生命充滿希望?」
大家屬姊妹教, 我明白她所問的. 我答:
「係啩. 反正明天未到就未知是好是壞, 當作是好吧.」


早一排心情不佳, 工作太忙, 忙得來一度懷疑工作的意義.
最辛苦是我老公, 日夜不停聽我呻、聽我發脾氣,
還要適當地分析及適時附和.

幸好, 這正是他的強項.


與其他教友傾計, 大家都認同,
但凡有事想不開,
總不知因何會在那星期的慕道班或彌撒中得到啟示或答案.

好邪. (應該說是上主的奇妙安排啦)
今天就是說工作的意義. 解開了我多個心結.



這幾天, 有神蹟.

昨天得知. 7月有一個去日本公幹的機會.
本來幾擔心, 不知有沒有 budget 找翻譯.
今天與朋友 S 講起, 她說可惜那幾天新上工,
不能過來東京join我. 之後一言驚醒:
「你唔叫你老公一齊去?」

係喎! 假如 stay behind 時可以同老公一齊,
實唔怕一個人會亂 shopping,
又有一個免費翻譯!


老公已經初步答應. 勁開心!!!!!!

人應該要對生命充滿希望!

Wednesday, June 14, 2006

妝物喪志:國產 Menard

昨天還在和朋友討論 Menard 有什麼好用, 太貴不捨得買.

今天就在新聞組看到,
上海發售的「攞正牌」國內生產的 Menard,
售價只是香港的三分一(或以下!!!)

諸如皇牌 Beauness 溫泉爽膚水, 日本貨售 $500 左右.
國內類似的產品名為
Menard Musee SPA Balance Lotion
$130/130ml



另一皇牌 Herb Mask, 日本貨售 $500多.
國內類似的產品名為
Menard AgeFree Refresh Herb Mask
$150/98g



簡直是不可思議.

國內 Menard 網址:www.menard.com.cn

性格遺傳

你信唔信, 性格可以遺傳, 還可以是隔代?

早幾日, 八十多歲的婆婆又在想當年,
半出竅的老公在扮聽眾.

突然我聽到婆婆講一件事:

當年佢廿幾歲, 出貨倉幫老公手.
公公屋企人在大陸做海味批發,
但媳婦一樣要幫手睇住上落貨.

工人們見佢係女仔, 好恰,
一邊搬貨一邊高呼「XX老母」,
大大力掟貨物.
婆婆竟然行埋去搬埋一份,
一路搬一邊講:
「老母ar 喇!」「睇住呢邊呀喂...老母ar 喇!」

終於? d 工人哈哈笑, 冇繼續講粗口.

我相信, 我大情大性的性格是源自我婆婆.


*攝於兩歲.
媽咪件衫竟然似 Marni, 髮型就似 Eri Utsugi!

Tuesday, June 13, 2006

破紀錄

唔寫又訓唔著,
終於 5:00am 起身, 寫到 8:30am.

通頂寫稿會唔會猝死呢?

Sunday, June 11, 2006

日食推介 10062006

最近在 city'super 的豆腐屋「博多屋」發現兩種日本美食.


1. 鹽滷 Nigari
走到city'super本來只是為了買這個.

日本流行把鹽滷(Nigari)運用在礦泉水、保健食品、
減肥食品, 甚至是化妝品中。
鹽滷的主要成分是氯化鎂、氯化鈣等百種以上的礦物質,
即是「海水萃取物」。

據說每天喝一小蓋鹽滷加一杯水,
會瘦, 能通便, 更有美容效果.

未開始喝, 未知味道如何.
但只是 $20 一瓶, 大可試試看.

但要小心喝下後肚瀉不止.

Remarks:
在日本,鹽滷最早是在製作豆腐時幫助豆腐凝固的一種材料。後來由於礦物質的含量非常的高,加上日本的法律在平成九年(1997年)才通過法案,一般民營事業可以大量提煉鹽滷,所以開始被拿來用在許多生活用品、食品上。據研究報告指出,它可以對抗許多現代病,例如:花粉症、皮膚過敏、還有肥胖等等。由於價格非常便宜又有美容減肥的功能,所以日本現在市面上有很多與「鹽滷」扯上關係的生活食、用品,還有許多書籍也在討論關於鹽滷的功效及用法。
...全文請看「自由新聞網



2. 豆腐曲奇
買鹽滷後, 發現有一批豆腐曲奇放在附近.

$12 一包有 6-8 片, 脆得像新鮮焗好的曲奇!
帶一點鹹, 味道像芝士曲奇.
鬆化程度, 則在藍罐與 Mrs. Fields 曲奇之間.
口感極富 homemade 風味, 但比 Mrs. Fields 便宜得多.

以後又多一項 city'super 必買項目.

Saturday, June 10, 2006

老公麵 07062006

回家後十分肚餓,
我今生今世不可能變成體重得 85 磅的 model,
食幾條草當晚飯真的不行.

老公見我餓到胃抽筋,
煮了一個超好味宵夜麵.


購自 City'super 的喜多方拉麵打底 ($15, 好赤!)
上有蟹柳、脆皮腸及安格斯牛扒粒!

麵超彈牙!但只敢食半個.

鬼咩, 昨晚還被女性朋友問及是否「肥左」,
好心係朋友就唔好問出口喇...唉.

Remarks: 台北有一家賣手拉喜多方拉麵店,
一位當地美女 Blogger 食評見, 口水流~~~

天生平機 w300i


套用老公的口頭禪, w300i是一部「天生平機」.
即是與一些新推出時售四千多,
半年後跌價至千多二千的「天生貴機」相反.

「天生貴機」用料貴, firmware 完善,「聽人講野都清楚d」咁話.
「天生平機」就註定百無, 重寧舍易壞 (?)

就以我之前的 Toshiba TS10 為例,
無藍芽無紅外線無 MP3 鈴聲,
換手機時要用 Excel 抄下所有 phonebook 內的電話.

如果 w300i 不是比 TS10 更「日本」, 我未必會換.
始終是陪伴自己未來半年的手機,
外表當然比內在美重要!

何況以它 $1980 (現在已跌至 $1480, 嗚~~~) 的身價,
有藍芽有紅外線有 MP3 鈴聲有 Walkman 有收音機有飛行模式,
還送一張尾指甲般小的 256MB M2 card.

就像麥太教麥兜選廁紙:
「最滑的未必最便宜, 最便宜的又未必最襟用」
所以「算滑、算便宜, 又算襟用」就可以了...吧?

Monday, June 05, 2006

Outback VIP Night 030606

Outback 尖東新店在未正式開張之前連續舉行了一星期的員工訓練.
其中兩晚(6月2日及3日)定為 VIP Night,
我有幸成為其中一位, 可享有一頓免費的四人晚餐!
即時 call 埋好友兩公婆同行.

每位可選一個前菜及一個主菜,
及一杯 Soft drink 無限 refill.
Outback 的前菜及主菜向來是美式 Family Size,
落 Order 時己預計會吃至撐破肚皮.



1. 先是招牌菜 Bloomin' Onion.
一如以往又脆又熱辣.


2. 第一次試的 Peel N' Eat Shrimp,
以前不 order, 因為知道它分量少.
原來是急凍甜蝦, 味道與普通海蝦完全不同,
難怪成本較高.


3. 個人最愛 Buffalo Wings.
有時會炸得較乾. 今次很 juicy!


4. 朋友推介的 Aussie Cheese Fries.
鬼仔最愛, 消化力弱啲都食唔到.


5. 主菜上場. 先是個人心水 Grilled Salmon.
在灣仔店仍是 Outback Grill 時, 試過它們的 Grilled Tuna.
調味得宜, 一點也不會太淡口.
今次的燒三文魚亦很出色,
是待應推介的五成熟, 入口很滑,
可與廣式蒸魚之口感比併.


6. NY Strip Steak.
不是每間 Outback 都有供應.
或有人認為它肉質較實, 因它是牛的下腰肉.
牛隻下腰部運動量較多, 若把它與脂肪較多西冷相比,
NY Strip 較有嚼勁, 牛味更濃呢!


7. 招牌牛扒 Outback Sirloin, 12 安士.
亦是五成熟. 我認為脂肪位可以燒熟一點更美味.


8. Ribs on the Barbie.
之前我不明白「Barbie」是什麼, 原來是「烤架」.
直火燒熟後才加上燒烤汁,
完全離骨, tender & juicy.


是晚有大量待應進行實習, 服務可算是週到得難以習慣.
亦因為 Refill 汽水太頻密(我估計飲了 6 杯...),
我未走到車站便開始肚子痛,
要老公請搭的士回家呢......

Friday, June 02, 2006

感謝日 010606

剛講完感謝周, 今天竟變成我的「感謝日」!
因為一天之內收到很多禮物.


1. 先是 Outback 送來的抽獎禮物, 遲 d 揭盅.


2. 自己上網訂, 鼓勵自己的 Lola Geisha Glow.
是我的 1st Lola!
前天在記招上試用過, 質料與效果都超乎滿意,
卻聽說已全面斷貨. 只好另外訂.


3. PR 送贈, 桃紅限量版 Sliding Pact.
由 Samsung Anycall 設計師為傳統粉盒打造手電外形,
質地出奇地細緻貼臉!
香港會推出粉紅外殼版本, $295.

*特別嗚謝老公提供新入手 21 吋 Eizo LCD 做佈景.


4. 收到一棵「空氣草」.
到 mYoga 取了一張本周六開放日的入場券,
試下"my Stretch"課程.

Thursday, June 01, 2006

無聊才消費 310506

今天是 Sogo 感謝周最後一天, 忍手忍手忍手......
最後只在源吉兆庵有收獲.


下左起:
黑胡麻布甸 $35, 唔知有冇上次「豆腐料理」果個咁美味?
白桃雪芭 $22, 唔雪硬佢係可以當啫喱食嘅.
櫻桃啫喱 $20, 有原粒車厘子.

極度推介冇 close-up 影的(右上)小倉紅豆銅鑼燒 $12,
只加入了少少砂糖, 大部分是小倉紅豆的天然甜味, 相信係全港最好食的銅鑼燒!

PS: 原來昨晚 Sogo 曾於 9:40pm 停電, 而我 9:25pm 離開...
好彩啫!
Related Posts Plugin for WordPress, Blogger...

贊助網站