Wednesday, June 13, 2007

港女,別太有出息

聽到一個故事,不禁悲從中來。

A 與 B 是對要好的夫妻,太太 A 是教師,月入一萬五,丈夫 B 做保安,月入七千多,最多只可交2000元家用,其餘所有養育子女的開支,都靠 A。A 因經濟及工作壓力俱大,一度患上抑鬱症,卻要「頂硬上」不可辭工,否則全家都要瞓街,子女無錢交學費。A 邊吃藥、邊上班,頭髮因藥物影響脫落了 80%。幸好 B 是個好男人,沒有因為太太辛勞養家捱殘了而跑去滾二奶。

我想 A 與 B 相識時,B 未必是做保安的。做保安也沒有不妥。只是香港的社會很有趣,高層職位方面男比女高薪達一倍,中至初級的職位卻是女性普遍有較好的待遇。原因嘛,可能是女性的打工心態比較穩定(所謂「定性」),平均學業成績較好,平均學歷較高,合適的非技術職位亦較多(如一般文職、服務業等)。基於香港打工市場尚算男女平等,僱主是看「才能」決定人選。

那天和爸爸研究,香港女性打工的收入確是比男性多。中五學歷女性沒特殊技術的話,學一技旁身,做個美甲師或化妝品售貨也不錯,月入一萬不難。中五學歷男性沒特殊技術的話,可能只有月入六、七千的藍領工作會考慮他。女大學生畢業後求其搵份文職,月入萬二、三。男大學生畢業後只有做回本科,月入才不錯。

可是當女人穩定地打工,放工後去學外語。枕邊男人日思夜想搵大錢,嘆際遇未夠好,每晚卻最少打 3 小時 online game。10 年後誰有更好的待遇,只會與實力有關。
*請不要怪我歧視男人打機,那是最「冇o野學」的場地。

如果你與大部分港女一樣,中了「長腿叔叔」的毒,心底裡希望你的男人是又靚仔又有錢又能照顧你及養起你的話,請你千萬不要讀太多書、太有出息,愈蠢愈有福氣。

歡迎留言!

3 comments:

流轉塵寰 said...

如果天生是個聰明人,蠢是不會有福氣的。
但是香港地收入高的女生越來越難搵棋鼓相當既對像卻是事實。去慣city super叫我就對方既收入去惠康,又真係唔想,唉...

一個女人 said...

我諗,,,,蠢既意思 , 就係唔好太精明啦

(一個精明既女人唔可以忍受既事情實在太多。試問一個數口太精 , 對人要求又苛刻既女人又點會受歡迎 ? 又點可以令其他人產生想去痛錫佢既諗法呢 ?)

saintvenus said...

好同意蘋果小姐你0既諗法。成日有人話, 做女人唔好咁叻, 唔係就嚇親0的男人, 搞到冇人要。我覺得呢0的係男人0既問題, 唔追求進步, 就算係與同性相比, 10年後一定係有上進心0既人會有好0的0既前途。

Related Posts Plugin for WordPress, Blogger...

贊助網站