Monday, August 11, 2008

百足咁多鞋

近日最大工程,是把家裡的東東重頭整理。看到鞋櫃裡有幾對舊得發霉的過氣鞋,忍不住一次過把所有鞋拿出來重新排列。

之前有朋友問我一共有幾多對鞋,我估計有30多對吧。因為未嫁之前我有更多,搬過來之前丟了一半。後來有次我發現有14對鞋未穿過,馬上把其中幾對最貴的名牌貨放售。但對於鞋子的實質數目,仍然是個謎。



今天先把靴子排成一堆。原來長短不同的一共有19對!這個數目比起真正的靴痴來講,我絕對是小巫。最貴的一對是Cacharel長皮靴,$5299,那天我被抽中做陪審團,發脾氣在西武買的。(後來同日我被抽中去荷蘭旅遊!早知唔買留來當旅費啦。)最便宜是Zara的地獄鞋,$399。最近最常穿Amaya小羊皮短靴,很舒適。最虛榮是Chanel黃色短雨靴。最怪雞的2對,包括miu miu過哂氣生膠底但落雨時超跣陳慧琳中靴,以及藍綠色Tsumori Chisato購自outlet好抵好靚似牛仔靴又三不像唔長唔短靴。大部分牌子不同,只有Baby Jane及Dr. Martens各有2對。這堆鞋當中,只有3對未穿過,大有進步了!



然後是其他鞋款,一共20對,當中有幾對太土氣,拍照後已經丟了。最便宜是早陣子買的 Gladiator Sandals,$70。最貴是未落地的 Juicy Couture 金跟鞋,(好像是)$2400。最不喜歡穿 MM6 Ballerina 及 COACH Sneakers,刮腳。最常穿Dada銀色矮跟鞋,易襯。最遺忘 Marc Jacobs 橙色 Sneakers。這邊未穿過的共有7對。



正當我以為自己只有39對鞋時,從另一鞋櫃又找到4對漏網之魚。其中3對我常常穿,粉紅色一度熱炒的爛Nike我穿去做Gym,黑色無印Sneakers我穿去旅行,白色kitterick短皮靴我穿來在家跳印度舞。最近鏡頭的Platform木底鞋穿過一次,很地獄,想丟。

另有深在儲物房深處的Zara毛裡猄皮靴一對(去年冬天我天天穿,好暖!)、馬莎銀色幼帶涼鞋(昨天丟了),加埋都只不過是45對,都未夠100隻,還有Quota買多幾對!

歡迎留言!

11 comments:

小can said...

真犀利啊...有咁多對鞋....
唔知係唔係我行路姿勢有d問題,我d鞋爛得好快!所以我唔敢買貴鞋,更加無機會有咁多對完好既鞋同時響鞋櫃到出現...哈哈哈

Meling Lam said...

小can> 我走路也是有點偏,所以「後掌」總有一邊蝕得較快。只好全都拿去打「前後掌」,蝕了後可換「掌」,鞋子會「襟新」得多呢。

Gut said...

Meling... 百足, 100隻腳 50對鞋. 你已經45對咯, 睇住Quota買呀hahaha j/k

真羨慕你可以擁有那麼多靚鞋鞋. 阿媽話女人買手袋鞋子多d都唔怕wor, 無佢地無野 "襯"起d衫wor

suewai said...

我冇你咁多鞋,但都要執下屋企d野呀,d野成日買左唔記得掉左去邊,好side囉!

小can said...

我係前面擦地啊...我d鞋會"甩底"的...但只限前半截......

juddie said...

快o的著下你o的新鞋啦...唔好等佢地係屋企被冷落 :)

我o的鞋分佈左係屋企唔通既角落,我唔敢一次過拎晒佢地出來,因為唔想面對現實呀...哈哈

Meling Lam said...

gut> 但我仍然覺得唔夠多呀。

sue> 執下執下,又會發現好多新野!

小can> 可能你喜歡拖行?打前掌應該有用。

juddie> 我估你D鞋一定多過我o既,hehe!

蚊芝 said...

meling,哈哈......不用擔心,繼續買吧!!印象中,蚊嘅鞋好似仲多呢......不過未有勇氣拎晒出嚟影相呢......嘻嘻

Leanna said...

keke, meling你咁講, 我都好想睇下juddie 有幾多鞋添!

Leanna

Meling Lam said...

蚊芝> 我從你家的鞋盒數目,也估到你會有更多!hehe.

leanna> 嗯...讓她自己揭曉吧。

anf said...

我宅男都好多對波鞋
不過真係點都著唔晒,
所以近年忍手, 盡量少買喇~

Related Posts Plugin for WordPress, Blogger...

贊助網站