Friday, June 12, 2009

是日好吃:日清 NuPasta 新意派



好多女生是麵包迷,可我認識的意粉迷也不少,意粉迷請舉手!

早在阿Sa廣告未見街之前,已在OK便利店看到日清 NuPasta 新推出。日清出品,我有信心。自上次吃過驚為天人的咖喱芝士合味道杯麵,只要這個$13.90的意粉,比得上 Italian Tomato 的出品,就可以算是賺了。

還記得幾年前,我到尖沙咀千色店買雜誌,書店裡附有一個迷你Cafe,開放式小廚房內只有微波爐、咖啡機及蛋糕櫃。當時我點了一碟三文魚意粉,大約是$38,店員不到5分鐘奉上,期間好像看不到她有煮過什麼?!在我記憶中,那碟三文魚意粉味道不錯,和 Italian Tomato 的差不多,汁的分量剛好,不多不少。之後,試過在家中「依樣畫葫蘆」,用煮好的意粉和日式超市買的意粉醬汁造這一類和洋風意粉。有時成功,有時失敗,最慘是要洗那隻沾滿醬汁的平底鑊。

上星期,剛好買到一盒 NuPasta,只奇怪它為什麼不是放在冷凍櫃,保鮮期又長。拿在手上,感覺內裡的意粉仍是乾的,可是怎麼用微波爐煮呢?想像不到。



打開包裝,內有一包配料,一包調味粉。意粉看來像杯麵的麵質,看樣子不像好吃的東東。

指引是加入配料包,加水至「水位線」,不用蓋住,用微波爐「叮」5分鐘。加水時,發現熱水不夠蓋住意粉,我就用煮杯麵的想法,加到蓋住為止。



5分鐘後,發現我的想法錯了!水太多,變成了湯意粉。於是我倒去部分的水,加入調味粉。



加入調味粉後,發現我的想法又錯了!因調味粉加水後會把清水變成醬汁,留下太少水,意粉黏成一團!最後,要再加進一點熱水才搞定。早知如此,我就跟足指示啦。



拌好之後,樣子不錯,味道也 Good!只差一杯 UCC 蒸餾咖啡,就如身處和洋餐廳一樣。原來當年書店內那個意粉,就是這樣泡製出來。絕對是OT/深宵美食首選,男友突然到訪 best dish,懶煮懶洗一族必試。

歡迎留言!

8 comments:

Jan said...

份量好似同杯麵差不多喎
男士們會唔會唔夠?

richardlai said...

睇黎真係好正。希望 London 唐人街會入貨啦! :)

閃閃星小藍 said...

我都係係未出廣告個時已經發現,我仲諗點解唔駛雪既?
不過我見卡路里都唔低... 唔可以當宵夜啦....所以冇買。

tika said...

舉手!
之前見到新廣告已經想試!
看過你的試食報告,今次買定了!

alice said...

意粉迷請舉手....這裡有一個(舉手)

之前也在7-11見到這個 (還有大大的阿sa海報)
下次有機會媽媽做"無飯"主婦時可以一試

但願我只是一片綠...葉 said...

上星期已經買0左....不過仲未試~~~
奇怪唔明為什麼只係得便利店先有得賣....
百佳,惠康都無0既~~~

Meling Lam said...

Jan> 男士就要看大唔大食啦,佢個分量同italian tomato都係一樣。

richardlai> right! 歡迎你來留言啊,呢度好少男讀者 :P

閃閃星小藍> 真係唔低呀,我無影低個營養列表,下次分析下。

tika> gogogo!

alice> 係呀,味道以$13.90來講就好抵,唔知佢「原價」係幾多呢?

但願我只是一片綠...葉> 可能上架收費貴,下一次才會入超市吧。

N@kiter~! said...

3隻味都試齊,最鍾意 三文魚~~~
不過話時話,雖則我係女仔,
但我既不好麵包,亦無愛意粉。。。
唔係至愛,但都唔會討厭咁囉。。。
到底我係咪女黎架???

Related Posts Plugin for WordPress, Blogger...

贊助網站