Wednesday, September 16, 2009

ACUVUE TruEye 健康 Con 體驗

acuvue trueye 健康con

上上星期,收到 ACUVUE 公關的電郵,邀請我去試戴新出的 TruEye 健康 Con。當時我想,太好了!終於有隱形眼鏡 sponsor 啦。

我一直都是 ACUVUE 的用家,5年前戴「兩星期更換型」,後來戴「每日拋棄型」,不過我只用過最一般的 1-day ACUVUE 及 1-day ACUVUE Define(大眼仔),沒試過保濕的 1-day ACUVUE Moist,也沒用過散光鏡。公關約我到愛視美,做過完整的驗眼及分析之後才為我選定 1-day ACUVUE TruEye 健康 Con 的弧度及度數。

acuvue trueye 健康con

驗眼後,有幾個好消息。好消息一,我的近視約300度,10年以來沒有加深,直到今天也沒有。好消息二,我未有老花。好消息三,我的散光減少了,由原本的百多度,剩下只有50度。估計原因是前公司的電腦熒幕太舊,monitor 本身都有鬆、郁、懞,加深散光;一年前開始只用家裡的 iMac,iMac 的熒幕相對光亮及新,所以散光有減少?那算是賺了啊!

acuvue trueye 健康con

另外,我襯機查問「城市傳言」— 在十多年前初初開始轉戴Con時,聽說連續多年戴Con,會「壞眼」,所以「戴Con有限期」,戴十年之前就不能再戴。而我又剛剛有位朋友,遇上類似的問題,她驗眼時發現眼球有問題,醫生勸她不要再戴Con。視光師說,部分人戴Con時間太長,或是所戴的Con透氣度不足(例如物料所致、或是忘了除蛋白),會導致眼球缺氧,確有可能令眼內血管增生,初期可能只是紅筋增多,後期眼內的血管增生至瞳孔,便可能致盲,且不能靠更換角膜回復視力,所以,Con的透氣度非常重要

十多年前的長戴型Con,透氣度低,一般視光師會建議你只戴八小時或以下。不過,科技有進步(造Con的物料也會進步),戴Con形式有變(有每日拋棄或兩星期更換型),有助增加Con的透氣度。而我戴過 1-day 之後,已經不想再戴 2-weeks,一來 2-weeks 比 1-day 感覺較乾(在配戴八小時後),二來要用洗Con藥水好麻煩,三來我常常在小巴裡小睡(我住新界,乘車最少半小時),有幾次醒來時Con會消失或是甩掉!

視光師說,普通 1-day 的物料在小睡後可能會變乾,所以會甩。而 1-day TruEye 健康 Con 用的物料(矽水凝膠物)透氣度比普通 Con 高三倍,戴12小時以上也沒問題,小睡十幾分鐘也不怕。上網找資料,矽水凝膠物原來是熱門的隆胸材料,難怪這麼柔軟啦。

acuvue trueye 健康con

驗眼後,視光師送我三對Con,回家認真的試。我刻意一天戴 TruEye 健康 Con,另一天戴普通 1-day,連續測試一星期。

第一天,戴 TruEye 健康 Con,觸感是比普通 1-day 軟一點,戴上後馬上緊貼眼球。回家時在車上小睡片刻,醒來後沒有移位。連續戴了12小時後,眼睛也沒有乾涸感。唯一留意,除健康 Con好像比起除普通 Con 難少少,或者因為它質料太軟、太貼吧。

第二天,戴普通 1-day,昨天「享受」過,今天明顯覺得普通 1-day 不夠貼,尤其是配戴12小時後,眼睛覺得很乾,被「刮」住,Con 像快要甩掉。至於紅筋,一向都不算明顯,所以看不出分別。

連續對比了6天之後,結論是,TruEye 健康 Con 確是舒適得多,而透氣度的分別肉眼看不到,眼睛倒是沒平常的易累。為眼球的長遠健康著想,在用光現有 1-day 及公關送的兩盒之後,應該以後都會改買 TruEye 健康 Con 的喇,反正價格差不多。

acuvue trueye 健康con

拍 TruEye 健康 Con 廣告的 model 是雜誌年代常常合作的 Kelly Fu,據她說,TruEye 的電視廣告是特意走到美國拍的啊。



預約試戴可按此

歡迎留言!

10 comments:

但願我只是一片綠...葉 said...

我好理解你所講0既0野......
1day 雖然貴,不過真係方便好多~~~
尤其係我地成日洗唔切,懶洗con 0既大忙人~~~

我宜家用1-day
天天一早6點就起身戴con ,晚上最少都8,9點先除con ......
結果早排咁都會出事.....隻眼發晒炎.....
真係好怕有朝一日無得戴.......

可惜 1day for astigmatism 做唔到truEye 果隻質地......如果可以就好了~~~

Meling Lam said...

但願我只是一片綠...葉> 或者好快會有啦~

閃閃星小藍 said...

我度數唔深,戴左con 會視線變得清晰,想睇戲既時候就會戴,或者知要睇遠野又會戴,見重要既人又會戴!

最早期戴過二星期的,但唔鐘意洗完又戴戴完又洗,所以多年多都是戴1day,但ACUVUE 對我黎講感覺好似唔多好!所以近一年轉了另一牌子。我都唔知點解唔好,總之戴上眼總係好似有啲野咁,古古怪怪!唔多舒服。

但最近想戴大眼仔(因為你介紹完之後,好想試戴變得美美啦!)但係試左平時戴開既牌子,比普通平時戴既con 滑身,我試過半小時都除唔到!除到眼都紅晒!好累!
咁視光師話如果大眼仔1day就要戴返ACUVUE !但係又怕買左返黎唔岩自己又浪費左成盒。好煩惱!

今日睇完你講TruEye,我都想試下,睇下個孤度岩唔岩自己,始終戴上眼,如果佢係好既話,就算貴一點點都唔係咁大問題!最緊要岩自己!

THanks Meling Share!!!!

Venus said...

我都有預約試trueye,moist我都有戴過。
我覺得trueye唔算軟,moist比trueye軟身好多,亦難戴小小。
其實trueye都唔係好難除,貼眼得黎好好除。
不過trueye真係好貴,我都係戴返moist,平小小~

J^mi said...

我的第一對con就是1-day acuvue, 中途曾經試過另一牌子既高清1 day, 之後都係投入返acuvue既懷抱. 
至於普通1-day同moist 1-day, 初時試過1,2副moist, 覺得moist真係保濕d , 舒服d. 而家因為普通1-day停左產, 唯有轉哂用moist喇, 又覺得分別不大, 可能無得比較. =P
如果價位相差不太大, 下次都會試下用TRU EYE. 另外對大眼仔都有興趣, 不過又驚透氣度同保濕度唔夠 (配con時視光師話我隻眼比較乾)

Anita said...

我都係用咗acuvue moist 之後已經唔可以用返其他con, 因為其他con 相比acuvue moist 真係乾好多,一帶就已經知

ladybeauty said...

之前一路都帶月 con,但因眼發炎,睇醫生停帶一個月,驗光師叫我帶日con仲要透氣度高嘅con,跟著我就試左 trueyes,真係好正睇嘢清左,眼睛無咁乾,雖然貴但至少眼睛健康又可繼續帶con 都係值

MISS MUI MUI said...

我有散光呢~~~~~
呢隻唔岩我嚕~~

meawmeaw said...

you can try acuvue oasys for astigmatism, details covered in the product section of trueye website.

Meling Lam said...

MISS MUI MUI、meawmeaw> acuvue oasys for astigmatism 好像是2-weeks con? 咁都幾方便。

Related Posts Plugin for WordPress, Blogger...

贊助網站