Thursday, September 24, 2009

海洋公園十月全城哈囉喂 之 我要投降!

海洋公園哈囉喂

上星期四率先玩迪士尼黑色世界,本星期四率先玩海洋公園哈囉喂,可惜我天生細膽,最愛過山車,最怕鬼屋,在迪士尼已經嚇到想哭,在「哈囉喂」直情嚇到要出「王牌」!

海洋公園哈囉喂
海洋公園哈囉喂

上一次到「哈囉喂」,已經是7年前,果時一大班朋友一起去,有人壯膽。不過那次我只入了一間鬼屋,就不肯入其他的,整晚就是玩跳樓機、過山車及海盜船。

今年是「哈囉喂」第9年,最大特色是「百年香港鬼,一晚撞哂!」但對於極度怕鬼的我來說,中鬼西鬼都沒有分別,都可以「嚇餐死」!

與客戶開會後,我和老公趕去海洋公園,在門口已經聽到大量尖叫聲,真正鬼聲鬼氣。當時天未黑,只有 Media 區的鬼s 有開工。

海洋公園哈囉喂

鬼s 當中也有一些比較nice的,例如是黑心女王,或是一位年近50的蛋家婆婆。有個小女鬼只有10歲,即是扮鬼的演員由10歲至50歲都有。上圖攝於未被嚇過時,我還懂得笑。

海洋公園哈囉喂

後來這個性感的蛇女嚇了我幾次,我大叫:「唔好埋o黎呀,跌相機呀!」她才肯行得慢少少。

天還未黑怎會被嚇?因為每隻鬼都是從你側邊或後面撲出來,驚!

海洋公園哈囉喂

Media 區集齊了大量的鬼,例如這隻「死都要買」的 Shopping 鬼。當時我想,可能只是這裡及鬼屋內有鬼吧,只要我不入鬼屋就ok啦。

海洋公園哈囉喂

天色漸黑,我們趕去山腰玩越礦飛車,坐最尾一卡,好玩好玩,飛到離櫈呀!

海洋公園哈囉喂

去到山頂,開始感到月黑風高,附近又無人,有點不妥。在山頂遇到兩位母親及兩個少女,我為了找人壯膽,緊貼她們。少女:「我唔行果度呀,又嚇餐死!」母親:「無法呀,行去搭纜車一定要經果度。」

那麼「果度」是邊度?是其中一條必經之路。

看看地圖,大件事!所有的「必經之路」都有鬼,救命!

原來,我們已經入了一個「鬼樂園」!電梯上有鬼彈出來,小食亭又有鬼彈出來,電梯的接駁路徑又有鬼彈出來,根本避無可避...老公竟然要跟我站在又黑、又大霧、又有綠色燈的「鬼區」看路牌...一起走的兩位母親及兩個少女,被鬼躲到其身後忽然大叫:「行快D呀!」嚇到失控狂奔!!!

我決定放棄纜車,走回頭路。去到電梯底下的小食亭,又有鬼彈出來嚇到我大叫!如要離開,必經「猛鬼鹹魚村」...老公知我驚,開電筒試探鬼情,被鬼指責:「佢~有~電~筒~呀~~~~~」(鬼聲而且好大聲)

就在這時,我感到自己已到極限,心開始絞痛。因媽媽有心臟病紀錄,而我上一次心絞痛是好多年前,怕自己也會出事。老公見我不妥,馬上找小食亭的嬸嬸代call保安員,帶我們殺出鬼圍。

這就是最後的「王牌」...

幾分鐘後,保安員高舉特製閃燈棒,帶我們離開。路上的鬼仍在「交戲」,扮驚、貼牆、或是蹲下扮降服。

我應該是2009年「哈囉喂」第一個要找保安陪同離場的膽小鬼,真係無用。不過,被人笑,好過要call救護車囉 @.@

歡迎留言!

19 comments:

momobe said...

哇 好似好精彩咁。 超級期待呢
10月過去香港就可以親身體驗啊

P/S :你寫得好仔細啊~~

Meling Lam said...

momobe> 我已經無入鬼屋都嚇到差點兒入醫院,你要小心啊...

ohmyjack said...

要小心身體啊~

黃老邪 said...

很好呀,差點暈都重要落力寫稿,還寫得好仔細!果然專業啊~^_^身子要緊呀~

J^mi said...

Meling, 你夠膽入去'到此一遊'已經好叻喇, 俾著我連入場都唔敢呀...上年我去迪士尼淨係入左個鬼區, 都已經想死, 驚到一路行一路自轉, 怕佢地冇lala彈出黎...鬼屋更加係唔敢玩...>_<
by the way, 海洋公園d鬼真係好pro啊~

但願我只是一片綠...葉 said...

Meling 你宜家好返0的未呀?
今日咁樣.....
飲番mint mocha定驚啦......
早0的訓喇......
P.S.上圖0的相...我都覺得有0的驚喇!

margaret said...

我朋友都係咁叫我去...我都唔敢呀...我都係好驚鬼...仲要有關香港鬼故仲驚...我如果去玩...玩完一定會係咁回想架...有排驚呀...

閃閃星小藍 said...

身體要緊,呢啲野真係唔講得少架!

我都胆少,我都要諗下去唔去好!op 好似一年驚過一年!

Heidi said...

Too scary for me, I'll go to Disneyland instead...hahaha!

N@kiter~! said...

真係 辛苦晒Meling丫!!!
心絞痛可大可小架嘛,
仲咁敬業去兩大"鬼園"

我原本都打算十月小學同學聚會時
攪攪新意思去 哈囉喂,
但最後因為我細膽唔會玩鬼屋而作罷。

btw: 被鬼指責:「佢~有~電~筒~呀~~~~~」 <= 我笑左 =)

candy said...

我呢兩年都有幾次心絞痛,咁係咪唔去得呢??好似真係好驚

alice said...

你依家有好點嗎? 聽你講完我又開始擔心了....我可能要跟"他"去呀! 不過, 正考慮你上一次跟我分享的tips...行頭位! (但要好brave!)

我上年去「哈囉喂」時也遇到類近經歷呀. 那次我們一行8人入鬼屋, 另外帶頭既有兩位其他客人 (一位dad+一個小妹妹). 大門打開, 第一隻鬼出現, 好似都沒有甚麼 (因為預到了!)但第2隻出現時, 妹妹沒有心理準備, 大叫出來, "daddy, 我可唔可以走呀!"....之後個daddy knock那兒既牆, 叫工作人員帶他們離開!

Priscilla said...

Meling, 你都真係好勇了,雖然我都係Christian 我都係超級驚, 所以有關"鬼"既我不會參與...勁勁...

miffy said...

我上年去海洋公園嚇到喊...0係鬼屋中段D鬼已經唔敢行埋黎,因為我係嚎哭.....好醜怪....

miffy said...

我上年去海洋公園嚇到喊...0係鬼屋中段D鬼已經唔敢行埋黎,因為我係嚎哭.....好醜怪....

usagi said...

好耐無留言啦^^當然天天也有上來看啦:P
我10月17日都去OP呢 好期待 但其實我都好驚架 佢有間通靈實驗室要自己一個玩架! @@

Meling Lam said...

miffy> 唔怕鬼屋的人,永遠不明白我們這些怕鬼屋的人點諗,唉。真係驚o架嘛。

usagi> 我係度諗緊,如果我自己扮埋鬼,入埋戲,會唔會反而唔驚呢?

usagi said...

我玩緊既時候會不段提自己,,佢係人 我又係人 吾洗驚:P 因為我都好細膽>< 有D後悔人去我又去 ~

Meling Lam said...

usagi> 我好討厭無助、無得反擊的感覺,所以如果有D辟邪道具拎住,有得驅鬼就好玩好多,亦無咁驚。

Related Posts Plugin for WordPress, Blogger...

贊助網站