Friday, September 18, 2009

是日好用:售出超過一億支的美髮品 Tsubaki



最近頭髮的毛燥好像有增多,但我明明有用護髮素,也減少了用熱風乾髮呀。於是我找出早前收到的 Tsubaki 洗髮露及護髮素,看看它含有的樁油成分能否改善我的髮質。



幾個月前,Tsubaki 行貨正式來港,在發佈會上得知,原來它已售出超過一億支!難怪可以找到日本及台灣最紅最漂亮的女星當代言人。



09年春季CM,不像一般洗髮水廣告硬銷飄逸髮質,拍得充滿時尚感。

(台灣CM原來是僞版,已刪去)



看完這個廣告,有衝動去做負離子,我不要再自然捲了!

有人說用 Tsubaki 後頭髮很重很膩,也有行家以往每次去日本一定捧幾支回來,足以證明頭髮用品跟護膚品一樣,甲之熊掌,乙之砒霜,要看是否適合自己,多於有幾多人讚。以我為例,我的頭皮及頭髮都乾,又喜歡天天洗髮,頭髮極乾。用過 Tsubaki 三天之後,頭髮的毛燥有減少,梳理時發現有減少打結,而且我好喜歡它的花香,看資料,是以「山茶花、玫瑰、石榴、南高梅、黃金桃及薑」加起來組成的「山茶花蜜果」香氣,像頭髮用的香水。

我現在用的容量每支HK$39,大容量550ml的每支HK$78,比起之前水貨售近百元一支,現在的價格非常合理。各大屈臣氏有售。

歡迎留言!

11 comments:

flora said...

我之前返香港都有買嚟用呀
個廣告真係好吸引人
我買咗白色俾受損頭髮用嗰隻
因為我本身都係日日洗頭髮,搞到好”行”
用完感覺到d頭髮滑咗
冇咁毛燥,不過要用埋洗髮素先得
唔係好容易打結囉

btw sasa 同卓悅都有得買喎
白色比紅色貴幾蚊,我响卓悅買都係$63到
不過佢擺哂d貨响門口
日日都俾陽光曬住哂
似乎冇咁好就真既

Antoinette said...

我也是它的hardcore fan...本身也是自然捲,已經是比較乾,而且再加上染髮和再電燙便更傷。tsubaki真的很好用,用過後頭髮沒有那麼乾之餘,髮質也好像輕型一點 (有些會假滑令頭髮很"塔"),打結情況也有改善。連aveda的髮型師也說我的保養做得不錯。呵呵。個人覺得紅色的滋擾度剛好, 反而白色會有點過"油"。而且紅色香氣比較怡人呢 :)

閃閃星小藍 said...

我都開始發現而家用緊既洗頭水有點油膩... 之前明明冇架.... 所以要轉洗頭水!等我睇下買邊支先!

Daisy Maris Fung said...

我都係day day洗頭所以有你嘅問題,我都要試吓先

dada said...

我之前買水貨一set$120到咋..
不過用第2set個陣又冇咁好用喇,轉左牌子一段時間用返tsubaki又好d~

十仔 said...

我都有用呢隻, 幾好用呀!
但聽說另一款 ..白色樽的, 比較油膩, 所以一直未有試用, 正如你所講, 每個人既髮質都唔同, 可以一試~ ^^

好多時, 仲會有set 裝, 仲會平d嫁~
留意下丫~

但願我只是一片綠...葉 said...

廣告好靚呀.....
之前我長髮時都有買0左一大SET(白色) 用.....用完真係唔錯......(話晒都係資生堂產品0丫)
我習慣隔日用佢同隔日Mane 'n Tail....
不過宜家剪短了頭髮.....就變得潤0左的,唔用得......
或者要改用紅色先~~~~

Carrie @~@ said...

o岩o岩我用完set shampoo & condition, 都好想試吓呢隻.

btw, 3個廣告都好好睇, 真係見到好多紅星, 我每個都睇o左2次.

Sue said...

tsubaki抵港那條片是我拍的,hehe~

Meling Lam said...

Sue> 厲害!好掂呀 ^_^

alice said...

這款我也有用過紅色那款呀, 效果唔錯, 我好喜歡, 如果唔係因為想試其他新品, 應該都會回購.

Related Posts Plugin for WordPress, Blogger...

贊助網站