Tuesday, January 05, 2010

我的半素周記1

半素

一直想吃素,又一直立不下心腸。

明知肉類毒素多,明知吃肉太多對地球有壞影響,明知肉多菜少的飲食不利健康,但是每次見到A5和牛、安格斯西冷、本地手切牛肉、鹿兒島黑豚肉、鳳城炸子雞、香煎法國鵝肝...點忍?!!!

在灣仔上班期間,曾開始嘗試吃素。第一餐,跟同事去到茶餐廳,已經沒有什麼可以選擇。勉強點了個咖哩雜菜飯,那個咖哩汁裡頭的油,肯定比吃牛扒飯更多。所以如果想用吃素去瘦身的話,除非每餐都是自煮,否則從炒菜中吸收的油,已經比得上一客炸薯條。當時,我每兩星期與私人營養師見一次面,她建議我多菜少肉,但不建議我吃素。主要原因,是吃素者很容易形成蛋白質、鐵質及Vitamin B12吸收不足,營養失衡,長遠實行,會影響內臟及血液健康。

因此,吃素者如可以定期吃蛋、豆,紫菜、昆布,果仁,深綠色葉菜及奶製品等等,輔以某些營養補充品,才算健康。天天吃清菜白粥,並不均衡。

看今期《飲食男女》的食素專輯,才知道有一個主義名為「半素食」(Part-time Vegan )!初步理解,估計是每天兩餐之中,有一餐吃素,有一餐不吃吧?後來看過其他分析,得知「半素食」意思大致上是90﹪時間吃素,在大時大節或想吃肉時,才吃一點肉。看來這個做法頗適合我,因為外出應酬時,有時很難面對所有的肉都不下嚥。跟朋友去吃壽司,難道只吃玉子壽司及蟹子沙律?跟父母去鳳城做節,如我只肯吃菜,他們會感到掃興。

對我來說,「半素食」容易實行,只要進食時避開肉類,或是酌量的吃少許。我吃素的原因不因宗教,只是想加強實行「三低一高」,所以跟肉類同煮的菜,我也會吃。

今天的早餐:在茶餐廳吃,我喝奶茶,吃了一只煎蛋,1/3條腸仔及少少米粉,其他由老公包辦。

午飯:酒樓那裡有很多素點心(素鍋貼、蒸素包),又有涼伴茄子、涼伴粉皮等小吃,友人照舊吃小籠包、蒸排骨,我只是不吃那幾碟就可以。

下午茶:到和民吃,我吃了三件壽司,上有燒帶子及燒鰻魚各一小片。一杯冰咖啡,無糖,不加奶。

晚飯:在家裡吃,三餸當中有蒸雞、潤腸炒椰菜及番茄炒蛋,於是我只吃白飯、椰菜及番茄炒蛋就夠飽了。


半素

至於「半素食」能否瘦身,現在言之尚早。

因為我上次吃素的經驗是,最初幾天體重會明顯下降,但一星期後身體開始適應,就會因為蛋白質不足導致水腫,也會因為吃油多了而發胖,到頭來體重不減反加,Fat Ratio 亦會上升!所以,我會紀錄每天的飲食、體重及脂肪比例,實行一星期後再作對比,到時再向大家報告。

歡迎留言!

5 comments:

dawn said...

我覺得食素既身形會唔同d,好多瑜伽導師既身形係好slim、修長,我覺得除咗做瑜伽的效果外,同佢哋的飲食習慣好有關係(好多瑜伽導師係食素架)。

我依家都嘗試實行半素(其實係少食肉,唔知算唔算半素食﹖),我的方法係早餐素食(因為比較容易),而其他餐如果自己食飯就唔食肉,同其他人一齊食就少食肉。

Zita(Ta小妹) said...

支持哦~我近這一年都是實行半素食(除魚外其他肉類都少食),我的原因是為環保!!(朋友聽到後都覺得好奇怪),但我覺得實行後清減了10磅,好像也沒有那麼容易病~MELING,你也要加油哦!!!

BabyMaybe said...

雖然知道食太多肉唔好, 但好多時望到就會忍唔到口 >.<

瘦身ge話, 我覺得食少D碳水化合物好有效~

MISS MUI MUI said...

我公司有同事食素
佢話食咗素皮膚都好咗~~
不過我呢啲食肉獸
叫我唔食肉真係攞咗我條命
不過聽你咁講有呢個半素食主義
我都想試吓先~~

alice said...

meling加油!

最近去睇醫生(因為肚餓問題),佢話我腸胃動作較一般人快,所以食飽,好快會有去廁所既需要(我係食到一半都可能要去廁所咁誇張)佢叫我食多d纖維先得,腸胃活動先會緩和,睇黎我都應該試試半素

不過我估我好難做得到,有時一日冇肉到肚,成個人會好似好空虛咁(誇張+奇怪)!

Related Posts Plugin for WordPress, Blogger...

贊助網站