Wednesday, March 03, 2010

終於明白濕疹之苦



看到今天的頭條新聞,一般人可能會覺得,真的有那麼困擾嗎?皮膚有問題去求醫就行啦,為什麼要尋死那麼傻?

可是,正如《地下鐵》電影裡,梁朝偉要親身經歷當過「盲人」才明白盲人的苦,最近算一算,我的不知急性還是慢性,不是濕疹還是風疹連續第三個月發作,我終於明白,F小姐說她的妹妹濕疹發作時會在家抓狂大叫,果然是真的。

尤其是當你愈痕,愈辛苦,就愈多人只跟你說,「睇醫生咪得囉!」到頭來作為病人的你,原來想不到下一句說話接上,只會覺得世上完全沒有人明白你,自己像世上唯一怪人,好孤單。

其實,當中醫告訴我要戒口,不能吃蛋雞鵝鴨牛羊海鮮甲殼麻辣...時,我真的感到好苦惱,這樣的話生命還留下什麼樂趣?

難得病情好了一點,我開始食少少牛肉,少少羊肉,之後濕疹馬上發得比之前更嚴重,睡著時會抓到出血!因為太癢,每天只能睡3﹣4小時,睡得那麼少,脾氣怎會好?

當我近乎萬念俱灰時,在網上找一找「濕疹」這個字,原來好多人都在這個時候一起發作!大家要戒吃的東西都一樣,忽然間感到沒那麼孤單,心情放鬆不少。

或者有人會質疑美容編輯為什麼會有皮膚敏感,是不是試用東西太多?那個我可以肯定的告訴你,我只有兩手前臂有事,其他地方完全沒有問題,面部也 touch wood 全無異樣,相信是面部被我護理得比較細心,所以能夠倖免於難。

作為過來人(也是現在的病人),在此我想勸告一下:

如你的朋友/家人/同事/兄弟姊妹有皮膚問題困擾,請不要只跟她說「睇醫生啦去」就算。對方一定有找過醫生,但事實是中醫或西醫也不能肯定可以醫斷尾,那種困擾只有同病相憐人士明白。

請盡量轉移她的視線,多關心對方的感受。你可以介紹中醫也好,介紹古方也好,介紹治失眠的方法也好,問她有什麼可以吃然後陪她去吃,問她有什麼活動想去然後帶她去玩。不要堅持這個病一定「有得醫」。


例如,跟很多個人談過濕疹痕癢的苦惱,只有我的媽媽積極回應:「係呀係呀!果種痕法真係唔係人咁品!點忍!」登時像遇上知音,感覺沒那麼難過。也多謝老友Q昨天送上的極品叉燒,還好我有聲哥叉燒可吃,否則真是生無可戀了。

老友Q剛在我facebook留言:「皮膚敏感與鼻敏感一樣,是絕症來的~ (我認真的~)」我非常同意。認真的,請用心關懷你身邊受皮膚問題困擾的人。

原本我想在facebook找個濕疹group,但發現某些只有假病人真傳銷在找生意,我想還是用這裡原有的facebook group做sharing好了,如果你也有濕疹煩惱,請加入蘋果的化妝箱(濕疹關注小組),我也會善用認識的中醫及西醫或業內人士,大家幫得幾多得幾多(但謝絕傳銷商賣廣告)。

歡迎留言!

30 comments:

Cooking Meow said...

我由細到大都有濕疹, 以為自己0既濕疹已經算嚴重。
點知以前有個同事0既女仲勁, 頭皮又有, 連patpat都有..

我塊面無咩特別打理, 但係都無濕疹..
我估唔關事呢~~

濕疹個種痕法, 真係其他人唔會明..

DOUBLECHIN™ said...

濕疹盟友們, 記著千萬塗/食/打有類固醇的葯哦!! 西醫們最喜歡給的!

Meling Lam said...

doublechin> 請你來join我個group啦,將呢句post到wall上,我們要有archieve耶。

Cooking Meow> 真係同其他完全不同,我明我明。

Siuto said...

我前幾年過左加拿大開始有濕疹, 相信係因為太乾(唔係講笑, 係太乾, 以前香港夏天一出街5分鐘內會出汗, 呢面30幾度都好少流得出汗)+運動量減好多所以體內毒素都排唔走

位置都係手/腳"爭",
之後每換季都會出事, 或者衣服磨擦都會, 所以夏天我日日都著涼鞋出街, 做運動一定要著好軟既襪; 屋企電腦椅係膠手臂. 都要搵舊衫"立"住.

以前最壞情況係夜晚會痕醒, 我對lotion無咩敏感, 所以會係咁搽上去等濕疹位置cool down, 真係頂唔算先會搽類固醇


我外母有叫我飲綠豆水(佢以前都有濕疹) 不過我唔鐘意綠豆所以無試過. 但係我煲湯會加少少綠豆, 意米, 去濕

未發作 (換季)前要特別注意會有濕疹O既地方好好保濕.

呢一年入冬換季慶幸無復發, 我覺身得係我運動量高番好多, 同埋多食菜飲湯. 我覺得泡澡都好有幫助, 因為可以幫血液循環好D同流汗, 但係之後要飲多D水, 唔係個人因為太乾又出 (不過呢個方法未必對個個都好)

濕疹最衰就係每個人都唔一樣, 對你有用O既方法用O係其他人身上可能會仲衰, 反之亦然.. :(

Siuto said...

仲有1樣都好影響, 就係心情/壓力, 我發作最勁O個幾年讀緊書趕論文, 成日都3,4點先訓.. 宜家畢左業無咁大壓力 可能咁樣就少在發作

Siuto said...

仲有1樣都好影響, 就係心情/壓力, 我發作最勁O個幾年讀緊書趕論文, 成日都3,4點先訓.. 宜家畢左業無咁大壓力 可能咁樣就少在發作

mad dog said...

有嘢想問: 朋友的朋友太太(外國人)來港, 想做whole day spa, 價錢不是main concern, 最緊要做得好又舒服. 有沒有好推介? 唔該哂!

Meling Lam said...

mad dog> 可選Four Seasons或The Mandarin, Landmark,Four Season有維港靚景,The Mandarin Landmark 就攞過好多世界級spa獎。記住提佢帶泳衣,方便享受jacuzzi。

mad dog said...

嘩, 好快, thanks a million!!!

mad dog said...

佢仲想問呢兩間酒店有無咩特別treatment好值得推介? thanks a lot!

Re:歡樂滿becca said...

雖然唔係濕疹, 但我由細到大都有暗瘡問題, 年年拜年d 親戚又講,d朋友又講, 中醫西醫都試過, 真係好難斷尾,所以有時聽人講生暗瘡生到想死, 我都好明白個感受係咩。

蘇珊娜 said...

o矣....我小兒出世至現在受盡濕疹(皮炎)和鼻敏感之苦~~做媽媽的,真的很心痛~~
我剛剛也寫了一篇blog有關他的情況...

reddy said...

每次看見姪女濕疹發作 滿面 手 甚至全身... 她的雙手的皮膚最差 從小到大便沒有完全過 

真的替佢辛苦 連食一隻蝦也會發作
唉 ! 

Cherry said...

我係有一日突然濕疹,跟住d手指仲要起晒泡泡...開頭唔知整爆左d泡泡,結果攪到手指連筆都楂唔到=[

去睇西醫 問佢咩黎 點算好
佢話絕症冇得醫...真係勁嬲囉o個次>.<

後來去睇中醫 戒口(又係戒埋一樣的野)
我忍住戒左3個月(仲瘦埋xd)
三個月剩係食豬肉同埋瓜類!!


而家就算食海鮮/一d好毒既野
只要唔好食咁多 都會冇事囉
同埋轉季真係要狂用lotion 咁就ok!!
夏天開冷氣都會令到你濕疹架
要小心阿=]

BabyMaybe said...

皮膚有問題真係會有好大影響, 雖然我冇好似報紙果個人咁要自殺, 但都曾經因為皮膚問題煩左好耐

我淨係發過一次濕疹, 但年幾之前開始生左好多暗瘡
就係因為以前D皮膚好, 所以一見返D好耐冇見ge舊同學就一定會有人講, 尤其聽到有D人好衰咁話:「咦?你以前D皮膚唔係好好ga咩?!點解而家搞成咁呀?」仲要冷笑幾聲果下真係好想發脾氣

出街有時見到D唔識ge人都要走黎叫你睇醫生, 又叫你飲咩涼茶之類........好似講到我冇嘗試過去改善問題咁
生過暗瘡先明白有時有D野真係就算再努力都冇用, 係要生你做咩都係會生, 冇試過ge人真係唔會明 (我以前冇生ge時候都唔明)

好彩近呢一排開始好返, 而家連D印都淡左一半有多, 真係心情都靚返好多

所以話唔定大家唔好太擔心, 放鬆心情, 反而情況會好D~ 心情都好影響皮膚

dpyt said...

去年底湿疹发作,不敢再用類固醇葯,曾經用到溢乳。心境不好則更嚴重。現在的方法是:多做運動流汗,背部較嚴重不會出汗,多煲綠豆或薏米去濕氣,加入紅棗補氣。發的食物盡量不吃(好似可同時減肥,因爲許多食物被禁,哈哈)。試試敲打膀胱經及按揉血海穴,據説可排毒兼治療濕疹。這段時間若有改善再向各位UPDATE.

dearwater said...

Hi,好耐無黎啦,好掛住你的文字。
其實濕疹問題,流水我由細到大都有,好既時候就好地地,唔好時就會血流成河。作為一個資深濕疹患者,我建議除左要戒口忍手外,最重要係懂得分散自己既注意力。
你有睇流水作業既話,都知流水本人不止濕疹一病,仲有抑鬱症添。以前一直唔知呢兩個病可以係雙連單位,但自從接受抑鬱症治療之後,就明白佢地係雙緊扣家。
所以水既建議係,搵一樣你好鍾意做既事去分散注意力,咁就算幾痕都好,當你做緊你鍾意既野時,痕就會消失。而當痕消失左,皮膚就無咁受罪,濕疹就一步一步離開你。
但切記要戒口同作息定時,咁先會好得快啲家。

S said...

潛水咁耐第一次留言:P

由細到大都有濕疹,果隻痕真係好恐怖,夜晚瞓瞓下都會痕醒

時好時壞真係好絕望架所以我都明點解點解生濕疹可以走去自殺人

近排轉天氣,又黎料喇,
take care呀

Meling Lam said...

S> 果隻痕真係好恐怖<-要用我們oral exam常用的一句話,I couldn't agree more! 今次我算好好彩,今個月初第一次睇中醫無帶舊方,可能中醫入手方向錯誤,食完藥都抓到出血真係好無助。後來我急急腳去再睇,今次有帶舊方,真係一劑止痕,之後feel到對手涼返哂,總算係向好果方面發展,咁都無咁擔心。

dearwater> 我有個朋友都曾經同我講,佢後來至知西醫比藥果時開o左抗抑鬱藥比佢,但果次係佢睇咁多次不同西醫之中唯一一次有成效,當堂明白哂。我又發現,果然我在街上/公司係不會發作,只在家裡會出事,可能真係同注意力有關,讓我試試你的方法,謝謝啊!

Meling Lam said...

dpyt> 據說綠豆比較涼,所以對因為鬱燥而起的濕疹很有效呢,謝推介!

BabyMaybe> 心情都好影響皮膚 <- 同意!

Cherry> 我都希望將來可以食返海鮮啦,我好鐘意食野o架,嗚~

reddy> 有時小朋友D case更慘,只怪我們的環境污染太厲害了。

Meling Lam said...

Siuto> 就係心情/壓力<-我估我都係受呢樣影響吧,我去旅行果時病發率好低!

Re:歡樂滿becca>真係針不拮肉不知痛,我而家明哂喇。係喎你部機用成點?有幫助嗎?我最近都懶o左...

蘇珊娜> 有去看但不見,在Amyblog?

Meling Lam said...

mad dog>

The Mandarin Landmark 必試Ultimate Wellness (HKD 2,410 weekday / HKD 2,630 weekend),包哂Scrub, Massage, Facial & Lunch,Spa Lunch 係o係泳池旁邊食,感覺好relax o架。

Four Seasons 呢排有個Yin Yang cleansing ritual(HK$2088至3月31日),有碌柚葉浸浴(!),scrub, massge & head massage, 比較有中國特色。

Re:歡樂滿becca said...

部機ok呀,我都懶左, 一個月先用一次, 我宜家無咩出暗瘡(就算出都好快謝), 係d 印要俾d 時間!

Meling Lam said...

Re:歡樂滿becca> 有朋友話用暗瘡美白精華平時當埋skincare搽,去印快好多,試試吖。

mad dog said...

thanks a lot Meling!

蘇珊娜 said...

yes~~在AMYBLOG~~
SUBJECT: 讓我心痛的兒子
http://www.amymagazine.com/amyblog/susannakl/2010/02/22/%e4%bb%a4%e6%88%91%e5%bf%83%e7%97%9b%e7%9a%84%e5%85%92%e5%ad%90/

Josephine said...

剛路過這裡,估唔到會找到妳的Blog....最近好嗎?
我的小兒亦正受濕疹之苦,知道妳看過中醫,可否介紹給我呢?

Percy said...

原來真係有人知架, 我原來絕不獨單~~ T_T

Samson Wong said...

我的濕疹遺全到兒子身上,我老婆成日埋怨我。她沒介口餵人奶,bb 濕疹返發,睡不好。她說濕疹返發是因為天氣熱和裝左新冷氣,並說bb 沒有R 並不癢。我沒聽過不癢的濕疹,她沒有濕疹,唔會明白bb 的癢,我明所以我心好痛。她又說我過份緊張 ...................成日比佢因為咁而鬧我 :(

Samson Wong said...

我的濕疹遺全到兒子身上,我老婆成日埋怨我。她沒介口餵人奶,bb 濕疹返發,睡不好。她說濕疹返發是因為天氣熱和裝左新冷氣,並說bb 沒有R 並不癢。我沒聽過不癢的濕疹,她沒有濕疹,唔會明白bb 的癢,我明所以我心好痛。她又說我過份緊張 ...................成日比佢因為咁而鬧我

Related Posts Plugin for WordPress, Blogger...

贊助網站