Tuesday, September 17, 2013

孤獨的美食家「迪迪」品評2013中秋月餅(?)


被我懷疑上一世是美食家的迪迪,對於我今年收到的月餅意見多多。原來,佢對於陳豪所拍的月餅廣告十分不滿(見上圖),覺得如果由佢擔當主角應該會更受歡迎。好,我就逐一比佢品評今年所收到的月餅,看看佢是否真有taste(定係扮o野)。


首先出場的是澳門星際酒店的精美月餅,迪迪認為呢個設計十分巧妙,食完月餅又可以用個盒去收埋其他零食,可得「環保大獎」。


而由T公司幾位美女送上的文華酒店月餅,就得到「最佳文采獎」,雖然迪迪只識日文唔識中文,但佢認為月餅獨立包裝得來又有組合成為「中秋佳節」四個字好有意義。


而海景軒的月餅就一開盒已經聞到香味,「香味誘人獎」非佢莫屬。我用了多番努力才令到迪迪唔聞月餅而望鏡頭影相,佢問我可唔可以比佢試埋味。


朗廷酒店的月餅就得到「最o岩合家歡獎」,一盒8個迷你月,適合一家大小一人一個齊齊分享。而迪迪就認為朗廷酒店最有英倫氣氛,下次去食下午茶一定要戴返頂帽襯一襯。


「私心自留獎」屬於 GODIVA,呢個禮物屬於打開即會「嘩」一聲的層次,因為我太喜歡朱古力,但迪迪對於佢不能試味(狗不能吃朱古力)表示十分無奈,耳都側埋。


共22件的 Godiva 禮盒,是我決定帶去與家人「做節」分享的美食呢~ 

不用擔心,以上大部分內容純屬惡搞,希望各位送禮友人唔好嬲,我無比迪迪食月餅(狗不能吃),但我本星期會有5個 gathering,將會把它們帶去與友人及家人一一分享。




而迪迪咁辛苦做 freelance model,佢都有得食o架,多謝友人W自家製的狗月餅,分別有鴨胸及三文魚月餅,兩款都比迪迪加餸食哂啦~

歡迎留言!

1 comment:

TIKA said...

迪迪應該拎「最上鏡」獎啦~!

Related Posts Plugin for WordPress, Blogger...

贊助網站