Sunday, February 10, 2019

兩公婆開年:銅鑼灣pop-up精緻日式一人窩 嘆獨家博多華味鳥


朋友及家人都知道我最愛吃火窩,台式港式日式都喜歡,其中首選日式火窩因為料靚、湯底清,切合我的低碳飲食要求。



年初四同老公去銅鑼灣 しゃぶしゃぶ四季 食開年飯,因為:


1.日本過江龍pop-up店,座位有限,可以靜靜地傾下計

2.位於V-point 30樓,無敵靚景

3.食材95%由日本直送,有老公喜歡的黑毛和牛壽喜燒,又有獨家的博多華味鳥

4.一人一窩,有菜有肉,使用顏值高嘅鎚起銅器淺窩,成餐飯都係享受

5.午市價位十分合理,set lunch HK$138起,最貴嘅黑毛和牛壽喜燒都只係HK$248,已包野菜、飯/烏冬、湯底及甜品。


可惜我做錯一件事...忘記訂位!而呢度只得20幾個位,無訂真係無得walk in。好在皇天不負有心人,當我同老公煩惱緊轉場,經理話有一檯 no show,可以比我地入座!


湯底有12款(和風/洋風/中華風各4款),壽喜燒唔使再揀,我點「日本產牛.雞.豚」就揀和風嘅「柚子鹽湯」,柚子皮又香又清新,鹽湯本身已經夠味,灼完肉或菜已提鮮,不用加醬汁可以就咁食。


「日本產牛.雞.豚」set lunch,牛(牛肩)及豚(北海道四元豚)是預期中的美味,但雞肉(博多華味鳥)有久違了的彈性及香甜,近幾年就算去到韓國與台灣食地雞都不及華味鳥咁鮮味,意料以外。食完之後,覺得博多華味鳥是必點的,最值得試!


黑毛和牛壽喜燒,是重味濃厚之選,成件事好「男人的浪漫」。老公極罕有地要求我幫佢影個人相佢要share比朋友睇。


我個烏冬比埋老公食。壽喜燒加埋黑毛和牛的天然脂肪再去灼烏冬...好食到識飛!

服務方面要特別讚一讚,店員不多但有禮貌有笑容又夠attentive,我除低外套好快就幫我用布蓋住,唔小心熄了火,佢地比我更早發現到並幫我開返,上甜品(芝麻雪糕)timing 又是剛剛好。



附近有唔少靚靚OL都知道呢個地方,建議訂位要早。至於pop-up店是否代表遲d會開間更大嘅shop,就唔多清楚喇。



しゃぶしゃぶ四季 Shabu Shabu Shiki
地址:銅鑼灣登龍街18號 V Point 30樓
營業時間:Lunch 12-2pm, Dinner 6-10pm
菜單:https://goo.gl/htkzaR
訂座:3188 3326 / shabu@globallink.com.hk

No comments:

延伸閱讀