全港CP值最高的 Omakase @ 鮨逸 Sushi Itsu

自從無得去日本旅行，在香港完全提不起勁去食日本菜。假如要用日本兩三倍價錢，去食鮮度差5成的食物，相信無人願意。不過，香港有唔少高級日本料理，願意用較高的成本入貨，令到大家在香港吃到的刺身，可以媲美在日本吃到的水平。價格與日本接近還是超幾倍，就看每家店的取向而定。

#omakase #omakasesushi #japanesefood #sashimi #sushi #japan #causewaybay #SUSHIITSU #foodie #foodinhongkong #CP值高

朋友帶我到去年底開業、位於銅鑼灣的"鮨逸"。主廚陳桂鈞師傅（熟客稱"B師傅"）有近30年日本料理經驗，曾在西村日本料理，富豪酒店任職。全店只得16個餐桌位及12個吧枱位，為確保照顧周到。

我和朋友一行三人齊齊lunch，點選了：

- 手握壽司盛13貫 ( 12 廚師發板 + 1 自選)
- Omakase
- ちらし丼

手握壽司盛13貫（HK$348）是我認為CP值最高的一款！客人可在吃罷12件廚師發板壽司後，自選encore一件。如客人趕時間或坐餐桌位，會12件一起奉上。但我覺得坐吧枱開心d，會逐件壽司奉上。（以下排序不分先後）

當季食材藍鰭吞拿魚赤身及藍鰭吞拿魚大拖羅預咗好食。鮫鰈魚邊（右口魚）火炙後入口"爆油"！成為我嘅encore之選~

Omakase 午市廚師發辦有13品，附配刺身、壽司、手卷鮨、雲丹盛（晚市有25品，附配刺身、壽司）。好多人在預約晚市前，會先試一次午市試水準。但有唔少午市Omakase 都過千元，呢度就HK$680，唔貴。其中幾度我覺得特別精彩：

師傅特別將金目鯛魚皮保留及火炙。深海池魚就熟成6日，配上黑松露醬。小肌魚處理過後加上柚子皮，充滿醋漬香。赤貝取出後切花狀再猛力一拍令神經緊縮，當時B師傅好慎重咁提醒我地唔好影太耐，要幾秒內食！搞到我地都有少少神經緊縮😅

如果lunch有少少趕時間，ちらし丼是最好選擇。藍鰭吞拿魚大拖羅、吞拿魚赤身、油甘魚、北海道帆立貝，珍寶甜蝦，加上三文魚籽醬油漬及布丁蛋。豐富到看不到底下的飯 😍

飯後剛剛最後一檯客也離開了，飲住咖啡（好可愛的樹枝杯）同B師傅傾咗一陣閒偈。原來B師傅入行果時被叫"肥B"，所以熟客都習慣叫佢"B師傅"。曾有人在網上投訴某店師傅將一片片食材攤開，認為"唔衛生"，B師傅解說，這是行內常見做法，目的是讓食材與空氣接觸，像紅酒要接觸空氣一樣，味道會更濃郁、富層次~

鮨逸
地址：銅鑼灣駱克道487-489號駱克駅 27 樓
電話：5548 0561