聽說去年香港新開咖啡店有120間
即是每個月有10間
與之前的拉麵店熱潮或西班牙餐廳熱潮不同
咖啡店有大有小，有著重咖啡或著重食品的，
有環境超靚或環境簡約的，有menu簡約或複雜的，
有自家炒豆或向供應商攞豆的，有商業化或精品路線的...
分類太多，食品menu又各有特色
即使間間試，也不易吃到厭
因此可預計咖啡店開店熱潮會持續
早前與朋友約好一個黃雨後的brunch
地點在灣仔 NATURA :
店內空間感十足，店外經常有長龍
我們是10:30am到達才可以即時入座
先來一杯手沖咖啡醒一醒神
選擇 Ninety Plus 90+ Drima Zede
咖啡師手沖時注水量穩定
成功帶出這款咖啡豆的深層發酵香氣及杏脯味道
中溫及低溫時更好喝
好適合我呢種飲啡怕燙口嘅人
食物方面，All Day Breakfast 性價比高
只是HK$158就有齊bagel、牛油果、黑松露炒蛋及
大啡菇等成本高的食材，仲有南瓜及甘荀，飽足度高
Cloud Egg Bagel 自己整係好煩，出街食仲好
Ta-Roffle 是芋泥鬆餅，加有煙肉、肉鬆、水牛芝士及鹹蛋黃醬
有台式feel，不過我不喜歡芋泥，沒多吃
Hojicha Waffle 將焙茶粉加入 waffle batter 當中
入面有麻糬、芒果、堅果碎及北海道忌廉
食完就知點解呢度經常有長龍
因為唔止 #打卡靚，同時係 #食得飽
人多好分享，食完brunch再食蛋糕
Chocolate Timber 是阿華田朱古力海綿蛋糕
造型有趣，但係食落唔太覺有阿華田味
Zen 黑莓慕斯外貌很平凡但味道不錯
Fresh Fig Tart 我最喜歡，層層cream cheese好幼滑
NATURA : 在灣仔近大有商場
類似的日系日光咖啡店最近有間在九龍佐敦
下篇介紹
NATURA:
地址：灣仔菲林明道8號大同大廈地下1-2號舖 (港鐵灣仔站 A3 出口, 步行約2分鐘)
電話：28161601 / 28161603