#沙田凱悅 #WorldofHyatt #HyattShatin #HKStayThailandWay #香港遊泰國風 #ThaiMarket #Thaication
"香港遊‧泰國風"有幾種package：房+自助早餐係基本，可再自選加自助午餐或自助晚餐。如果揀"嘉賓軒"房間，仲會包埋享用嘉賓軒酒廊服務，包括Lounge免費早餐及傍晚的雞尾酒。
今次我住"嘉賓軒"套房+自助晚餐，所以miss咗傍晚雞尾酒時段。聽另一入住"嘉賓軒"+自助午餐嘅朋友講，雞尾酒時段唔止有酒任飲，仲有沙律、湯、意粉及冷盤任食，好似light dinner一樣，又係另一種玩法。
"嘉賓軒"及其他客房都有九肚山山景或吐露港海景揀。普通房 Weekend package 大約HK$1740起，嘉賓軒HK$2060起，已包哂房+自助早餐+2位自助午餐。"嘉賓軒"套房內有雪櫃、咖啡機、微波爐，想簡單reheat一啲食物都可。
「香港遊‧泰國風」市集分兩部分。嚟緊周末8月7、8、14、15 日都有舉行。位置在酒店大堂，參與單位有曾獲CNN評選為「曼谷最佳六大泰式按摩」的 Divana Spa、香港人都熟識的 THANN、泰國生活百貨 JUST BE COLT、兒童用品品牌 Kidstalto、頂級皮革品牌 Labrator、泰國設計品牌 QUALY、本土代購泰國小店 Thai Mui Trading Limited 等。
而一樓又有其他嘢睇，有小朋友喜歡嘅小手工或防水閃閃 body paint，又有免費影家庭相，我同老公好難得咁影到幾張靚靚合照 😅
周末入住的賓客可免費參加泰國文化工作坊。其他客人亦可報名參加工作坊，另設收費。 我入住果日玩咗泰國舞蹈workshop，看似簡單嘅泰國舞一啲都唔易，只係手部動作都要老師逐個手把手咁教，仲有跟住節奏去跳就更難，但係去到著靚衫環節就個個都好開心，影咗好多相~
Package包嘅咖啡廳「香港遊‧泰國風」自助午餐或自助晚餐——我揀咗晚餐，跳完舞準時6pm去到。當日自助晚餐分兩個時段。最大驚喜係今次酒店為求傳統真味，菜譜是取自凱悅集團於泰國之姊妹酒店及泰國政府旅遊局 (HK)。特別推薦泰國夏日沙律、榴槤馬沙文咖喱雞、泰式紅咖喱燒鴨和泰式魚餅等。還有人氣泰國甜品，如自家製的泰式刨冰、南瓜布甸及芒果糯米飯。
泰式紅咖喱燒鴨簡直令人難忘！真係食得返在 #GrandHyattErawan 嘅味道，配料多又夠辣勁。芒果糯米飯就做到一口size，食多幾件都唔會內疚。又有即點即刨嘅泰式刨冰（在泰國我反而唔敢食😅）。
🦞其他美食包括龍蝦、刺身、鮑汁花膠、鮑魚、煎鵝肝、燒牛柳都係任食，泰式食品有香葉包雞、魚餅、燒豬頸肉、Pad Thai、Pad Ga Prao...🧋泰式奶茶奶凍、南瓜布甸、榴槤芝士餅...每款食一件都飽到郁唔到喇😂
Staycation另一優點就是食飽飽就可以即刻返房睇電視、浸浴或躺平。當然你想做gym都無人阻止。如果想游水就要預約時段了。
本身我都想睇睇大堂早餐定係Lounge早餐好，不過見到大堂好似比較多人，Lounge易有位就去Lounge吧。Lounge早餐有吐露港靚景，即使有9成滿，又keep住有客入來（Lounge早餐不用book時段），見到客戶服務代表不斷努力幫客人搵位及調位，有啲家庭係4人想坐高檯都可以得償所願。不得不佩服呢啲就係Hyatt水準嘅服務。自助早餐item就都係乳酪、水果、麵包等，可自選西式（烚蛋或egg benedict）或中式（滑雞粥及炸油條等）。
西瓜好甜，我食咗好多件 🍉
"Thai-cation" package包括一份「香港遊‧泰國風」禮品包，有一條圍巾及一個環保袋，又靚又實用。推廣期內以酒店特設的 Instagram AR Filter 分享體驗，又可以再換取泰國小食一份。
我同老公換了一包炸蝦頭一包三文魚皮，晚上睇電視時有零食伴汽水特別爽YY~
*嚟緊會收到消費券，可以用來book個 Thai-cation 快閃泰國：https://bit.ly/375ScG3